H.U.T. PARSADAAN LUHAT JANJILOBI SIBUHUAN BARUMUN

SELAMAT HARI ULANG TAHUN

PUNGUAN NITURUNAN BAGAS GODANG

 LUHAT JANJILOBI SIBUHUAN BARUMUN

Tanggal 25 Desember 2011

Ass Wr Wb.  Terima kasih kami ucapkan kepada Ketua Panitia Pelaksana Hari Ulang Tahun. Punguan ni Turunan Bagas godang Luhat Janjilobi Bapak Pandapotan Dalimunthe, (Anakboru)siani muse Puji syukur hita ucapkon tu hadirat ni Allah swt, na madung mangalehen kesehatan dohot kasampatan di hita sasudena, sahinggo hita sude koum markoum, dinamarpunguon marsamo samo hita mangatak dohot mangatur ima disude parkarejoan ta mantaringoti di haratak siriaon ima Hari Ulang Tahun Parsadaan.

Dung binsar Mataniari ima diari minggu tanggal 25 Desember 2011 hira hira pukul 10.00 mulai ma marudur haroroan ni sude koum ta namanopotkon sopo parluhutanna ima bagas ni Anakboruna  di Jl. Adiyaksa VI No.D.30 Lebak Bulus Jakarta Selatan,  nung luhut sude dimulaanma makkobar mamoluskon hata ima tusude maradu koum bo ale i sian Mora, Kahanggi, Anakboru dohot Hatobangon songoni muse tu Pisang Rautna na mangalehen poda bahaso diari nasadarion hita sapunguan marluhut dison untuk mangarayahon  Parsadaan ta ima HARI ULANG TAHUN na pa onom bolaskon (16 tahun) natubu sian bagas godang luhat Djandjilobi na adong di luhat Jakarta on.

 Muda di paja jaha lahos mantaringoti di parpunguanta namadung ditoktok/dibangun mulai sian taon 1975 santak diari nasadarion madung marumur 16 taon, Punguan on tubu sian angan angan ni Barisan Ni anak Boru marsamo samo dohot kanganggina na laho dua sauduran naro patantan simanjojak lahos manekteki pintu ni koum koumna  na manyurduhon harotes undangan dohot manjouhon ima nangkan membentuk punguan ni Turunan Bagas Godang Luhat Janjilobi na adong di Luhat Jakarta on. Antong siani dibagasan pangkobaran madung hami mangelen bo I sian pangkobaran ima mamoluskon hata sareto manibalkon godang ni roha tu hadopan ni Anakboru nami sambil manyurduhon hata muli ate nasagodang godangna suada do gogo nami nangkan tuhanta i doma nabisa mambalos na tu hamu mudah mudahan sian punguan ta on dilehen Tuhan tai ma dihita syafaatna dohot sabahat bahatna mulai sian duniaon santak tu ari naparpudi.

Dungi muse tu Kahanggi asa Anakboruna namadung parjolo mulak tu tuhanta tu balian ni huta, nadung ikhlas mangalehen Poda, Gogo dohot Tondi dimaso ngoluna ima tu Parsadaan on tontu hami nadi tadingkon manarimo dohot manoruskon sagogo nami Mudah-mudahan ale on sude, jadi tungkot tungkot ma di nalandit. Jadi sulu sulu ma di na golap songoni muse Jadi saong saong nami di ari nonat.  Songon pandokon ni hadist. Muda madung maninggal sada halaki, tarputus ma sude amalna, kecuali 1. Anak yang soleh. 2. Ilmu yang bermanfaat yang  diajarkon. 3. Harto na ikhlas na diwoqofkon.

On pe ale sian i mare ma hita rap rim songon siala sampagul sambil mandoa tu tuhanta anso nian dibagasan Parsadaan on hita sude namarkoum, ditibalkon Hatorkisan dohot godang ni razoki asa totop hita di uduran ni dalan na diridoi Allah Swt. Amin….

Mungkin nada sadiabe hobar nami tu sude maradu koum Kahanggi, Mora, Anakboru,  Naposo/Nauli Bulung  serta barisan Anak/Babere  muda adong  pangkatai nami  nahurang pade binege, sangape pangkobar nami  nahurang ture di pangatakna dison parjolo hami mangido moof na sagodang godangna  Wassalam Bill  Maaf  simpul ni hobar kon  hu tutup dohot salam. Assalamu alaikum ww.

Sion Hami pomparanna :

Ramlan Hasibuan

Kepada Yth  :

Bapak-bapak Ibu-ibu Saudara / i  semua marga yang ada di dalam Dalihan Natolu genetis Bagas

Godang Luhat Djandjilobi dengan ini kami sebagai pengganti undangan memohon kesediaan nya
untuk hadir bergabung dengan parsadaan ini, atas kehadirannya setiap saat kami  tungggui. 

(Luhat Jakarta). Roma hamu koum nami hombang do amak parjugukan painte hamu.